NRC-a tel lo man an la awm lo

Assam sorkarin National Register of Citizen (NRC) final list a tih chhuah hnuah Vairengte Police Station-a duty-te chuan NRC-a hming chuang lo Mizorama rawn luh tum man an la nei lo.

August 31, 2019 khan Assam sorkar chuan NRC final list a tichhuak a, Assam-a awm mek mi nuai 19 chuang chu list-ah an tel lo. Hei vang hian NRC list-a tel lote chu Assam ṭhenawm state-ah an luh rin a nih avangin, Assam ṭhenawm state-te chu kawng hrang hrangin an inrálring a, Vairengte Police-te pawh ngawrh lehzuala duty tura hriattir an ni.

Vairengte Police-te chuan, state páwn aṭanga Mizorama luh tumte chu NRC final list nen an enmil zel a, nimin thleng khan NRC-a tel lo Mizorama luh tum man an la nei lo a ni.