Hmunpui tlangah DVOR leh DME bun ṭan

Nimin khan Hmunpui tlangah thlawhtheihna kawng kawhhmuhtu, DVOR (Doppler Very high frequency Omni Range) leh DME (Distance Measuring Equipment) bun hna thawh ṭan a ni.

Sorkar thuchhuah tarlan danin, DVOR leh DME-te hi cheng nuai 800 man a ni a, a vuah hna chu Airport Authority of India (AAI) hnuaia installation engineer, Delhi aṭanga lo kalte'n thawkin, Mizoram sor­kara GAD Aviation Wing hotute'n an enpui. Khawl bun zawhah calibration tih leh tur a ni a, November 2019-ah zawh beisei a ni.

Khawl hian thlawhna thlawk mekte tan ground station aṭanga an dinhmun, hlat zawng leh san zawngte a hriat tir dawn a, Lengpui Airport aṭanga thlawhna thlâwk chhuak leh ṭum turte bakah, international flight-te tan pawh chhawr ṭangkai theih tur a ni. A taka hman a nih hunah chuan, HongKong, Shanghai leh Seoul thlawhna kawng hman mek aiin Mizoram chungah thlâwkin zin kawng a tawi phah thei dawn a ni.