Intlân chhâwk chhunzawm zel

Aizawl SP chuan Motor Vehicle Act, 1988 (Act 59 of 1988) Section 115 hmanga hriattirna chhuah­in, Keifang leh Champhai inkar lamliana lirthei lian chi intlân chhâwk dan kalpui mek chu tun thla, September thla chhung zawng hman chhunzawm tur a nih thu a puang.

Aizawl SP C Lalzah­ngoa'n hriattirna a chhuah danin, Keifang leh Champhai inkara motor intlân chhâwk chuan 407 truck leh a aia liante a huam a; ni inkawp kim lo (odd day)-ah Aizawl aṭanga Champhai pan tur lirtheite zan dar 12 aṭanga a tûk zan dar 12 thleng an tlan ang a, ni inkawp kim (even day)-ah Champhai aṭanga Keifang/Aizawl lam pan turte zan dar 12 aṭanga a tûk zan dar 12 thleng an tlan ve thung ang.

Harsatna tâwk emaw, report duh nei tan Sai­tual Police Station no. 8257006442, Saitual PS OC no. 9856090789, Champhai PS no. 8974924728, Khankawn Police checkgate no. 8730817932 leh Khawzawl OC no. 8575564420-ahte hriattir theih a ni.