KHAWTHLIR

Vawiin, September 5 hi Teachers' Day (Zirtirtu Ni) a ni a, Mizorama zirna-in hrang hrangte'n an remchan dan angin an hmang dawn. Teachers' Day pual hian National Students' Union of India (NSUI), Mizoram chuan thuchhuah siamin, Zirtirtute Ni chu an ngaihhlut thu leh zirtirtute an ngaihsan thu an tarlang a, "Kan ram inngahna leh thiamna, finna min petu zirtirtute hi chawimawiin awm se tih hi kan duhthusam a ni," an ti. Zirtirtute chu an pawimawhna hre reng a, ṭan la thar zel turin an ngen bawk.

PHE department-a Aizawl Rural WATSAN Division leh Tlangnuam BDO office chuan nimin khan Tlangnuam BDO conference hall-ah thingtlang khaw fai inelna, Swachh Survekshan Grameen 2019 hawnna inkhawm an buatsaih a, Tlangnuam Block chhung khaw hrang hranga khawtlang hruaitute an tel. PHE SDO Lian­tluanga Chohte-in Swachh Survekshan Grameen 2019 chung­chang a hrilh­fiah a ni.

Lalchhuanliana s/o C Ramtharzuala (L), Tlungvel Field Veng chu September 3, Ningani zan khan Tuirini hnár lama a ṭhianpa nen lèn an dennaah tuiah a tla hlum. Lalchhuanliana ruang hi a tlak hnu lawk­ah lâk chhuah nghal a ni.

chuan nimin khan Laithangpuia College of Pharmacy-a Diploma in Pharmacy examination result a tichhuak. Diploma in Pharmacy Part-I ah zirlai exam 47 zinga 31 an pass a, pass zinga mi paruk chu distinction-ah an pass a; TC Lalnunsanga pakhatna a ni. Part-II ah chuan zirlai exam 54 zinga 43 pass in, distinction-ah mi pakua an pass a, Kerino Savino chu pakhatna a ni. Diploma in Pharmacy chu kum hnih zir a ni.