Lengpui Airport ṭum hmun duhthusam a ni lo

Chief Minister chuan, Lengpui Airport-ah thlawhna lian ṭum thinte’n an ṭum hreh chhan leh chhuanlam an neih chhan - ṭum kawng (runway) chu a ṭha thawkhat tih a sawi rual­in, duhthusam a nih loh thu a sawi a, "Thlawhna ṭum kawng hi thuah hnih emaw vela tihchak tum a ni a, tuna ṭum kawng hi thlawhna lian chi hian vawi hnih/khat ṭum nan chuan an ngam a ni mai thei a, regular taka ṭum nan chuan chhuanlamah an nei a ni," a ti.

Zoramthanga hian nimin khan Mizo Hnam Runah Lengpui Airport-a thlawhna parking panna kawng chu tihchak lehzual a ngaih thu leh a zauh tâwk loh thu sawiin, "Thlawhna tam zawk din theihna tura siam zauh a ngai. Chhuanlam awm thei zawng zawng a tawp theih nan siamṭhat vat tuma hmalak mek a ni," a ti. Lengpui Airport chu Indian Air Force kuta hlan tumna file a awm sa nia sawiin, chu chu an dan thu leh Airport Authority of India kuta pek pawh sorkarin a remtih loh thu a sawi bawk.