PC-in AMC inthlanah candidate an siam dawn lo

Peoples' Conference (PC) party chuan, February 16, 2021-a Aizawl Municipal Corporation (AMC) inthlan turah candidate an nei dawn lo tih an puang.

PC party thuchhuah chuan, "Candidate neih tuma hmalakna thui tak kan neih tawh hnuah December 5, 2020-a Election Commission of India (ECI)-a party hming thlâk kan dilna vawiin January 28, 2021 thlenga chhànna kan la hmuh loh avangin AMC inthlan chuh ve rih loh kan titlu ta a ni," a ti.

PC party chuan, AMC inthlan an chuh ve dawn loh avangin ward tina an party mite sûkthlêkna tur lam chu February 1, 2021-a PC office bearers meeting-in an ngaihtuah dawn tih an tarlang a; OB-te thuchhuah ngaichâng turin an party mite an chah a ni.