Minister-in Hnahthialah hun hmanpui

Minister Dr R Lalthangliana chuan nimin khan South Tuipui Block-1 MNF-te'n Hnahthiala political training an buatsaih a hmanpui a; MNF party chu party ṭhenkhat anga nihna duh vanga hming thlak ve zung zung an nih loh thu a sawi.

Dr R Lalthangliana chuan, MNF chu an rêk em em lai pawhin khai chhuak ṭhintu an nei tih sawiin, "MNF hi tun hmain thih ngei ngeina turah pawh Pathianin a chhanhimin a hruai chhuak tawh ṭhin. Covid-19 hi Pathian zarah a ziaawm chho turah ngai ila, SEDP hmalakna leh hnathawh tur hi a la par chhuak nasa dawn chauh a ni," a ti.