Nu leh naute hriselna inzirtir

Mamit district bawrhsap Dr Lalrozama hoin nimin khan Nàlzáwl khuaah Aspirational District programme an hmang a, nu leh naute hriselna 'Maternal and Child Health' chungchangah inzirtirna hun an buatsaih.

Dr Lalrozama chuan, hriselna lama Mamit district chhunga khaw 11 hnufual bik zingah Nàlzáwl khua chu a tel avanga tlawh a nih thu a sawi a, "Anganwadi, Ante Natal Care, ASHA leh VC-te'n nasa lehzuala ṭan an lâk a ngai. Nu nau paite kan inhriattir ṭhat loh ṭhin avangin kan district hi health sector-ah kan hniam phah a ni," a ti a; nau paite chu anganwadi leh sub-centre-ah inhriattir vat zel turin a chah.

Mamit DC hian Nàlzáwl khuaa sorkar department hrang hrang hmalakna leh hnathawhte a en nghal a ni.