MJA-in inhlan tharna hun hmang

MJA General Head­quar­ters chuan nimin khan Aizawl Press Club-ah kum 2019 atana inhlan tharna leh kum­thar thingpui inhona hun an hmang.

Inkhawm hi MJA vice president R Lalhmangaihzuala'n a kaihruai a, gene­ral secretary C Lalhma­chhuana'n report a pe a; an member Lalhmachhuana Zofa hnenah a pain a thihsan vanga ralna hlan nghal a ni.

Inkhawma thusawitu Zonunsanga Khiangte, MJA president chuan, MJA-te chuan a ṭha zawnga sorkar khalh ngil chungin a ṭawiawm zel dawn tih sawiin, "Mizoram sorkar tharin MJA-te min ngaihsak danah kan lawm a, sorkar hi sawisel a ngaihnaah chuan kan sawisel ang a, fak a ngaihnaah pawh kan fak dawn a ni," a ti a; Mizorama journalist-te'n pension an neih ve theih nan nasa zawkin hmalak an tum thu a sawi bawk.