Hmar tlangdungah kawtchhuah siam tum

Nimin khan Sakawrdai khawtlang chuan an khelmualah an bialtu MLA Lalchhamdama Ralte, minister of state chawimawina hun an buatsaih. Lalchhandama chuan, hmar tlangdungah kawtchhuah thar siam tum a nih thu a sawi.

Lalchhamdama Ralte chuan, an bial chhunga hmasawnna hna thawh tur a tam tih sawiin, "Hmar khaw thim, záng­khaw bungbut hnanah kawtchhuah thar siam tum a ni. Manipur lam kalpawhna tur leh Bagha lam kalpawhna turte project siamin buaipui tum a ni a, hun rei lote chhunga zawh mai theih  a ni dawn lo tih erawh hriat a ngai. Hmasawnna kawng chi kim he bial hian a mamawh a ni," a ti.

Hnathawh kawr hâktirtu mipuite chu mahni hmazawn ṭheuhah ram tana thawk tura sáwmin Lalchhandama chuan, "Party nihna thinlung dah bo a, hmasawnna hna thawk turin mipui ka sawm a che u," a ti a; pachhiate leh retheite khai chhuahna tur SEDP hmangin thawh a nih tur thu a sawi bawk.