Gas man bithliah thar

Food, Civil Supplies & Consumer Affairs department chuan thu-chhuah siamin, January 1, 2019-ah Indian Oil Corporation-in eirawng-bawlna gas man a bithliah thar avangin, Mizoramah pawh gas man bithliah thar a nih thu a tarlang.

Gas man tharah chuan, Vairengte tih loh khaw dang zawnga gas distributor-ah domestic gas bûr khat man Rs. 831 a ni a, chuta ṭanga subsidy tur chu Rs. 340.67 a ni. Vairengteah chuan gas bûr khat man Rs. 822.50 a ni a, subsidy zat chu Rs. 333.05 a ni.

Gas chu home delivery-a hralh a nih chuan rate bituk bakah Rs. 7.53 belh tur a ni a, show­room-a hralh a nih chuan rate bituk aṭangin Rs. 18 paih tur a ni thung.