MLA-in dept. hotute a kâwm

Champhai North bialtu MLA Dr ZR Thiamsanga chuan, nimin khan Cham­phai DC conference hall-ah Champhaia sorkar department hrang hrang hotute a kâwm.

Dr ZR Thiamsanga chuan, sorkar hnathawkte chu ram tana hna a thawhnaah ṭawiawm tur leh rinawm taka thawkpuiah a sáwm a, "Sorkar thar hian hnathawh tak tak a tum a, MLA-te hi in chhiahhlawh leh in tirhkah ni tura inpe kan ni a, hna thawk tak tak zawk tur chu sorkar hnathawkte in ni. Sorkar hnathawkte'n min thlâwp loh chuan hlawhtling takin hna a thawh theih loh," a ti.

Sorkar department hotute chuan Champhai North MLA hnenah hian an department mamawh leh harsatna an tawh te, an hmalak dante an hrilh a ni.