Additional CS to CM dah thar

JC Ramthanga, IAS (Manipur cadre) chu additional chief secretary to chief minister atan dah thar a ni. JC Ramthanga hian Chief Minister's Office-a a pisa thar chu nimin khan a luah ṭan a; additional chief secretary to CM bakah, sorkara secretary a nih angin PWD leh Horticulture department-te a enkawl tel dawn.

JC Ramthanga hian PS to chief minister HL Rochungnunga a thlak a; PS to CM tih ni ve mai lo a, additional chief secretary to chief minister tih a nih bik chhan hi, IAS-a a dinhmun (rank)-ah additional chief secretary rank a nih tawh vang a nih thu, CMO aṭanga thu dawnna chuan a sawi.

JC Ramthanga'n sorkar department a enkawl tel dawn avangin Mizoram sorkara secretary ṭhenkhatte hna chan tihdanglam a ni. Mizoram sorkara secretary Rodney L Ralte, IAS chuan District Council & Minority Affairs department leh LAD a enkawl dawn a; Mizorama awm thar P Jawahar, IAS chu Commerce & Industries secretary tura dah a ni.