WC-ah Hackathon buatsaih a ni

Nimin khan Aizawl West College-ah En­trepreneurship Deve­lopment Centre (EDC) Mizoram Inno­vative Challenge - Hacka­thon neih a ni a, Planning secretary Dr C Vanlal­ramsanga'n a hawng.

Hackathon hi inelna niin, EDC, Plan­ning & Programme Implementation Depart­ment leh Aizawl West College buatsaih a ni a, mi 54 an tel. Inelnaa telte chuan mipui vantlang harsatna (public problem) chhawp chhuakin, harsatnate chu mimal hnathawh hmanga sutkian dan ngaihtuah turin an inel a ni.

Programme hi Plan­ning & Programme Imple­mentation deputy adviser Dr Lalrinchhana, EDC Governing Board member secretary ni bawkin a kaihruai a; Mizoram Uni­versity Incubation Centre coordinator Dr Laldinliana Varte-in Hackathon chungchang a sawifiah. Hac­kathon-a telte’n har­satna sawi chhuahna hun an hmang a, harsatna ṭha zual thlan chhuah niin, a sutkian dan tur sawiho a ni.

EDC Mizoram In­no­vative Challenge - Hack­a­thon hi vawiinah a hmáwrbàwkna hun hman tur a ni a; pakhatnain Rs. 50,000, pahnihnain Rs. 30,000 leh pathumnain Rs. 16,000 an dawng ang.