LADC hmalakna tur duang

Lai Autonomous District Council (LADC) Executive chu nimin khan chief executive member T Zakunga hoin an ṭhukhawm a, LADC tana hmalakna tur hrang hrang an duang.

Meeting chuan, Lai fate civil service-ah tam zawk an luh theihna atan hmalak an remti a, chumi atan chuan mithiam bik pathum tan kum tin cheng nuai 12 dah a, sponsor ni se, an ti. Preliminary exam, main exam, group discussion & personal interview paltlangte zinga a thiam pathumte chu UPSC coaching class kaltir an rel a ni.

Meeting chuan, primary school leh middle school-a headmaster-te chu sikul enkawlnaah mawhphurtu ber an nih avangin, election kaihhnawih leh thil dangah hman an remti lo a, BLO leh census-ahte pawh headmaster hmang loin, zirtirtu dang hman ni se, an ti bawk.