Public drinking water cooler hawng

Mission Veng Local Council-in Mission Veng Bazar kawngpui kama mipui vantlang tana water cooler an dah thar chu nimin khan bialtu councillor M Zohmingthangi'n a hawng.

Water cooler hi Mission Veng LC-in Aizawl Municipal Corporation (AMC) hnuaia Property Tax an khawn aṭanga an chan tura AMC-in sum a dah hmanga an siam a ni a, Rs. 83,240 an séng. A hawnnaah hian Mission Venga YMA, MUP, MHIP leh Mission Veng Cheitu Pawl hruaitute an tel a; Mission Veng LC chuan Sikulpuikawnah pawh public water cooler dah leh an tum thu an tarlang.

M Zohmingthangi chuan, ram changkang leh khawpui changkang zawkte'n tui thianghlim in tur an ngai pawimawh tih sawiin, Aizawl khawpuia mipui vantlang tana tui in tur khawlaia dah hmasatua Mission Veng an ṭang hi a lawmawm a, Aizawla veng dangte tihhmuhtu ni se. Aizawl khawpui kawtthler tinah mipui vantlang tana in tur tui thianghlim a awm theih hun a nghahhlelhawm hle a, hei hi AMC din chhan pawimawh tak pakhat a ni," a ti.