W.Phailengah mock exercise buatsaih

Mamit District Disaster Management Authority chuan nimin khan West Phaileng Higher Secondary School-ah lirnghing a thlen palha chêt lâk dan tur leh chhanchhuah hna thawh dan a taka entirna, mock exercise an buatsaih.

Mock exercise-ah hian sikul chu lirnghingin a sawi chhia anga entir a ni a; naupangte chu lìr a nghìna an awm dan tur te, thuneitute rang taka hriattir dan tur te, thi leh hliam an awma chhan­chhuah hna thawh dan tur a takin zirpui an ni.

Mock drill-ah hian West Phaileng Police Station-a police-te leh damdawi-ina thawkte pawh an tel a; Mamit DC pisa aṭangin SDO (Sadar) HD Lalpekmawia leh district organiser Lalrin­chhana ten an enpui bawk. Mock drill tih zawhah official-te'n thlir lêtna hun an hmang leh nghal a ni.