PRISM president-ah Vanlalruata

PRISM Party chuan nimin khan general assembly neiin hruaitu thar an thlang a, president atan Vanlalruata an thlang.

PRISM hian Unrepresented Nations and Peoples Organisation (UNPO) zawm tuma hmalak an rel a, "BJP-in One India buaipuiin Uniform Civil Code an kalpui ṭan a. Hindu kalphung veka inangtlanga India ram kalpui tumin hma an la mek," an ti a, hei vang hian harsatna kan tawh palha au chhuahna remchang ni tura state danga party dangte nena thawhho theihna siam an duh thu an rel a ni.

PRISM hian kum 2019 - 2022 chhunga an hruaitu atan president Vanlalruata bakah senior vice president-ah Dr H Lallungmuana, vice president-ah K Tlanthanga, treasurer-ah Zodinsanga-te an thlang.