Health care-ah October-December inziah luh hun hawn a ni - Dr Thiamsanga

Health & Family Welfare Board vice chairman Dr ZR Thiamsanga, MLA chuan, health care kalphung thar duan fel a ni tawh a, kumin October aṭanga December thla thlengin inziah luh theihna hun hawn a ni dawn tih a sawi.

Nimina Mizo Hnam Rûna inkhawm­ah thu sawiin ZR Thiamsanga chuan, health care tharin natna zawng zawng deuh thaw a huam a, cheng nuai hnih chin bill theih a ni dawn tih a sawi a, "MNF term hmasa Pu R Tlang hmingthanga Health minister a nih laia sorkarin health care a duan leh ṭha taka a kalpui chu Congress an sorkar a, hmang mumal thei loin kan awm a. Tunah CM-in health leh education lam ngaih pawimawh bikah a nei hi a lawmawm hle a ni," a ti.

Dr ZR Thiamsanga chuan, "MNF party chu hnama chiang, Mizo nationalism kalpui tak taktu regional party awmchhun kan ni. Pathian leh ram tih a tak taka kalpuitu kan ni a, he ram chhe mek tungding tur hian Pathianin he party hi a ruat tih a chiang," a ti a; Chief Minister chu vision leh principle nei ṭha, India chief minister zingah pawh lang tham niin a sawi bawk.