LS MP-in a model village a tlawh

Lok Sabha MP C Lalro­sanga chuan, Sansad Adarsh Gram Yojana (SAGY) hnuaia model village atana a thlan Muallungthu khua chu nimin khan a tlawh a, khawtlang hruaitute nen khawtlang hma­sawn nana hmalakna tur hmunhma hrang hrang an en.

C Lalrosanga chuan, bial­tu MLA leh khawtlang mi­­puite nen theihtawp chhuah­in Muallungthu khaw hma­sawn nan ṭan an la dawn tih sawiin, "MP fund bakah, central scheme hrang hrangte pawh Muallungthu khawtlang tihhmasawn nan hâi chhuah tum a ni," a ti a; model village-a siamna turah thuràwn inpek tawn a ṭul thu a sawi.

MP hi Aizawl South-III bialtu MLA Dr F Lalnun-mawia'n a ṭawiawm a; Mual-­lungthu enkawltu BDO Rem­­lalliana Hnamte-in a zui bawk.