Mizo Bible kum 60-na lawm

Bible Society of India (BSI), Aizawl Auxiliary chuan nizan khan Mission Veng Kohhran biak-inah Mizo ṭawnga Bible pumpui neih a nih champha kum 60-na, diamond jubilee an lâwm. Inkhawmah hian Mizote'n Bible an neih dante leh BSI chanchinte sawi a ni a, BSI Aizawl Auxiliary president Rev.Dr H Vanlalauva'n thuchah a sawi a; zaipawl eng emaw zat an zai bawk.

Mizo ṭawnga Bible tih­chhuah hmasak ber - Luka, Johana leh Tirhkohte Thiltih bute chu kum 1897-ah tihchhuah a ni a, kum 1916-ah Thuthlung Thar bu pum tihchhuah a ni. Bible pumpui erawh chu September 6, 1959-ah tlangzarh a ni a, September 6, 2019 kha a kum 60-na a ni.