MZU-in UG result a tichhuak

Mizoram University chuan nimin khan under graduate second semester leh fourth semester (regular) exam 2020 result a tichhuak a; a pumpuiah exam zawng zawng zirlai 9,517 zingah 8,989 an pass a, pass percentage chu 94.45% a ni.

MZU hotute tarlan danin, UG result-ah hian Arts-ah zirlai exam 7,892 zinga 7,508 (95.13%), Science-ah zirlai 1,085 zinga 970 (89.40%), Commerce-ah zirlai 498 zinga 473 (94.97%) leh Home Science-ah zirlai 42 zinga 38 (90.47%) an pass. MZU chuan zirlaite chu www.mzuegov.in/onlineresult aṭangin an result en turin a chah a ni.