Assembly Speaker-in ramri a tlawh

Assembly Speaker Lalrinliana Sailo chuan nimin khan Bangladesh leh Mizoram insumdawn tawnna atana ruahman, Kawrpuichhuaha Integrated Check Post (ICP) leh Tlabunga Trade Facilitation Centre a tlawh.

Lalrinliana Sailo chuan, Mizoram economy ṭhan zelna turin ram dang nena insumdawn tawnna tihhmasawn a pawimawh thu a sawi a, "Kawrpuichhuah leh a chhehvel hi international trade hmunpui pawimawh tak a la ni zel dawn a, hei hian kawng hrang hrangin hmasawnna a la thlen dawn a ni," a ti a; insumdawn tawnna hmun turte chu a hlawhtlin theih nana hmalakpuiah Tlabung leh a chhehvel mipui a sáwm.

Assembly Speaker chuan, Kawrpuichhuaha BSF hmun tlawh nghalin, sipai leh mipui inkara inpumkhatna ṭha a awm theih dan tur a sawipui a; February 3, 2021-ah hian BSF DIG leh Mizoram Chief Secretary-te inkâwm tura koh a tum thu a sawi.

Mizoram huam chhunga India leh Bangladesh inrina hi km. 318-a thui a ni a, Lunglei district-ah ramri km. 112-a thui awmin, BSF border out post 26 a awm a ni.