AMC-ah BJP telna sorkar din a nih theih nan theihtawp kan chhuah - BJP President

BJP, Mizoram Pradesh president Vanlalhmuaka chuan, AMC inthlanah BJP-in candidate pakua chiah an neih avangin anmahni chauhin sorkarna an siam thei dawn ta tih a sawi a, "Mahse, AMC sorkarah BJP telna din a nih theih nan theihtawp kan chhuah dawn a ni," a ti.

BJP President hian AMC inthlan tura candidate an neihna bial (ward) hrang hranga a campaign-naah thu sawiin, BJP telna sorkar an siam chuan BJP leh an thawhpuite tlinna bialah Union Minister for Housing and Urban Affairs minister Hardeep Singh Puri an koh luh dawn thu a sawi.

Vanlalhmuaka chuan, "AMC ward-a BJP tlinna leh an thawhpuite bial tan central aṭangin a bik taka puih an ni dawn," a ti a; AMC chu central sum kaltlanga inenkawl a nih avangin BJP leh sorkar an siampuite tlinna ward-te tan hamṭhatna a tam bik dawn niin a sawi a ni.

BJP hian AMC inthlan turah ward pakuaah candidate an nei a ni.