MNF-a lut zel turin mipui sáwm

MNF senior vice president Tawnluia chuan January 28, Ningani khan Lalsavunga Park, Hlimenah AMC ward-XIX campaign a hawng a; MNF chu ram hmangaihtu a ni tih sawiin, "Pathian leh kan ram tan titute lo lut zel turin ka sáwm a ni," a ti.

Lalsavunga Park-a inkhawmah hian bialtu MLA Prof. F Lalnunmawia leh ward-XIX atana MNF candidate Dr Irene Lalruatkimi te pawhin thu an sawi a ni.

MNF Ṭhalai pawhin nimin khan Zemabawk PS-II ah AMC campaign hawnna hun an hmang a, MNYF Gen.Hqrs vice president Lalzahawma Khiangte-in a hmanpui.

Lalzahawma Khiangte chuan, Covid-19 hri léng vanga sum harsatna nasa tak karah pawh ram hmasawnna hna a kal reng tih sawiin, "Chief minister Pu Zoramthanga leh a kaihhruai ministry fawng vuantute an fakawm hle a ni," a ti. AMC ward VII-a MNF candidate Vanlalneia'n thu a sawi bawk.