Mizoram Synod-in lawmthu sawi

Mizoram Synod chuan nimin khan thuchhuah (circular) tichhuakin, February 2021 aṭanga biak-ina inkhawm thei zat sorkarin a bithliah tawh ennawn leh tidanglam tura sorkar an ngenna tihlawhtling a, inkhawm thei zat tihdanglam a ni chu lawmawm an tih thu an tarlang.

Synod circular chuan, sorkarin inkhawma tel thei zat a bithliah hmasa, biak-in ṭhutnaa leng zat aṭanga a zatve (50%) emaw, mi 200 aia tam lo emaw tih chu kohhran lian leh member tamnaah kalpui a harsat avangin, ennawna tidanglam turin Synod Officers' Meeting-in sorkarah an thlen tih a tarlang a ni.