MNYF-in resolution an siam

MNF ṭhalai, Mizo National Youth Front-te chuan nimin khan an party pisa, Mizo Hnam Rûnah kum 2020 atana inhlan tharna hun an hmang a; an president Lalrinawma'n kaihruaiin, hruaitu ṭhenkhatte'n thu an sawi a, resolution an siam bawk.

MNYF resolution-ah chuan, CM Zoram­thanga, MP C Lalrosanga leh tlawmngai pawlte hmalakna vanga Citizenship Amendment Bill (CAB)-in Mizoram a huam ve lo chu lawm­awm an tih thu te, CM Zoramthanga hmalakna vanga Tripura-a awm Bru-te Tripura-a awm hlen tura inremna siam a ni chu ropui an tih thu te, MNF sorkar laia Mizoram University Southern Campus din phalna sorkar laipuiin a tichhuak chu lawmawm an tih thu te, MNF sorkar hnuaia Mizoramin hmasawnna a nei thar chu lawmawm an tih thu leh CM, minister leh MNF MLA-te an chhuan thute tarlan a ni.