Assam mite hriattirna la pe lo

September 6, 2019-a Mizoram leh Assam ramri ngaihtuahtu Core Committee-in Bairabi Zophai hmuna mosque satute hnenah, sa tawh lo tura hriattirna (notice) pe tura an tih Kolasib DFO chuan nimin tlai thleng khan hriattirna (notice) a la pe lo.

Chief Secretary hoa meeting hian Bairabi Zophai hmuna Mosolman-te'n mosque an sak ṭhiah a nih theihna atana hmalak zel an rêl a; Forest department-te chu mosque satute hna thawk tawh lo tura hriattirna pe tura tih an ni.

Thuthar thehdarhtute zawhna chhangin Kolasib DFO chuan, meeting minute a la hmuh loh avangin mosque satute hnenah notice a la pek loh thu a sawi.