Hunthar Venga lei chê vangin Lirthei tlân dan tihdanglam a ni
Tun hnaiah Hunthar Venga lei tlahniam ṭhin chu a chêt thar leh avangin Traffic SP Rodingliana Chawngthu chuan mipui leh lirthei veivâkte him zawk nan lirthei tlân dan siam danglam a nih thu a tarlang a; thupek chu zâwm ṭheuh turin mi tin a chah.
Thupek hi a ṭul dan azirin traffic police, a hmuna duty-te'n an ti danglam thei a; chhiatrupna thil, kângmei leh rîkrum kaihhnawiha duty, dan leh thupek pawimawh bika police leh magistrate duty-te chêtvelna a huam lo bawk.
Lirthei tlân dan tur
1. Company Péng aṭanga Hunthar Veng kawngpuiah LMV chho zawng chauha tlan phal hun - dar 8:30 - 11:30 a.m.
2. Company Péng aṭanga Hunthar Veng kawngpuiah 407 (truck) & load king leh a chung lam lirthei tlân phal a ni lo.
3. Chanmari West Kawipui leh Edenthar Venga Zosangliana petrol pump inkar kawngpuiah lirthei (two wheeler tiam loin) reng reng chho zawnga tlân phal loh hun - dar 8:30 - 11:30 a.m.
4. Sairang lama kal turte chu Chanmari West Kawipui aṭangin Edenthar Veng lamah emaw, Vaivakawn - Ramrikawn - Lungverh kawngah tlan theih a ni.
5. Hmanhmawh thil bikah chuan Chanmari West aṭangin Chanmari West thlànmual kaltlangin Central Road via Zuang Tuikhur aṭangin NH-54 kawngpui pawh thei a ni ang.
6. Chanmari West leh Edenthar Veng inkar kawngpui dungah lirthei reng reng dah/park phal a ni lo.