AH&Vety hnathawh thlir lêt

AH&Veterinary department chuan nimin khan Aizawla Polyclinic conference hall-ah October-December 2019 chhunga an hnathawhte thlir letna, Quarterly Departmental Review Meeting an nei a; district tina department hotute leh farm enkawltute telin, AH&Vety minister Dr K Beichhua'n a hmanpui.

Minister Dr K Bei­chhua chuan, review meeting neih a pawi­mawh thu sawiin, "Kan hnathawh dan leh kal­hmangte inhriatpui tawnna hian thawhhona ṭha a hring chhuak a ni," a ti a; district tinah rualkhai taka hmasawnna kalpui turin hmun hrang hranga thawktute chu theihtawp chhuah turin a fuih.

Review Meeting-ah hian nikum October-December chhunga Mizoram chhung district leh farm hrang hranga AH&Vety department hmalakna, hnathawh leh hlawhtlinna report-te ngaihthlak a ni a; hmasawn zel dan tur sawiho a ni bawk.