One Stop Centre hawng

Ministry of Women and Child Development kaltlanga Social Welfare department hmalakna, One Stop Centre, Serchhip DC building-a siam thar chu nimin khan additional DC Chuauhnuna'n a hawng. Centre mamawhte tan phone number 8415049957 leh 8974582937-ahte biak theih an ni.

One Stop Centre hi hmeichhia, tihduhdah tuar (domestic violence)-te tana tlân luhna tura duan a ni a, ṭanpui ngaite chu thawktute'n an lo pui ṭhin dawn a; a ṭul angin FIR thehluhsak, dan hrilhfiah, counselling leh ṭul dangte an ûm zuisak ṭhin ang. Centre-a hmeichhia tlan lutte chu a ṭul angin zan nga thleng an riak thei dawn a, an fate pawh (mipa an nih chuan kum 8 hnuai lam) an riah luhpui thei dawn a ni. Centre-ah hian administrator pakhat leh thawktu dang pariat an awm mek.