Lungsenah Poshan Rally huaihawt

Lungsen ICDS Project chuan nimin khan an khuaah Rashtriya Poshan Abhiyaan (National Nutrition Mission) pualin Poshan Rally an huaihawt a, Lungsen khuaa zirna-in hrang hranga zirlai naupang leh khawtlanga tlawmngai pawl hrang hrangte an tel.

Kawng zawhnaah hian hmun hnih aṭangin kawng zawh a ni a, community hall kawtah intâwk khawmin, naupangte hnena chaw ṭha pek pawimawhna thu chi hrang hrang hmangin an au rual a, nutrition chungchang leh hriselna lam hawi thu ziak hrang hrang an keng lang bawk.

Rashtriya Poshan Abhiyaan hi March 2018 aṭangin India ram pumah kalpui a ni a, Mizoramah pawh hmalak nghal a ni. Mission hnuaiah hian September thla chhung zawng Rashtriya Poshan Maah (National Nutrition Month) hman a ni dawn a, hman mek niin, khaw hrang hrangah ICDS leh anganwadi centre ten an remchan dan angin an hmang mek zel.