Siahaah SSG-2019 hawn a ni

PHE department huaihawtin nimin khan Siahaa MADC Forest Hall-ah  Swachh Prerak Day hman a ni a, thingtlang khuate faina lama an inelna, Swachh Survekshan Grameen 2019 hawn nghal a ni bawk.

Swachh Survekshan Grameen 2019 hi Siaha district tan district bawrhsap aiawhin K Vanlalṭhiana'n a hawng a; Siaha district fai leh fai lohah district chhunga cheng mipuite'n mawh an phurh avangin, district mipuite chu faina leh thianghlimna kawnga theihtawp chhuah turin a sáwm.

PHE executive engineer H Lalnuntluanga chuan, Swachh Prerak leh Swachh Survekshan Grameen hnuaia an hmalak tawhna leh hmachhawpte a sawi a; inelna atan Siaha district-a khaw 22 thlan a ni tih sawiin, "Sorkar laipui aṭangin endiktu turte lo kalin, tehfung hrang hrang hmangin an rawn enfiah dawn a ni," a ti.