NEWS TAWI

State Investment Program Management and Implementation Unit (SIPMIU) chuan tun hnaia PWD Tlang, Khatlaa AMRUT scheme hnuaia tuizem thar, tui litre nuai 10 dawng thei an siamah tui luhna tur direct pipeline phûm a nih theih nana theihtawp chhuahpuitu Public Work department (PWD) leh Public Health Engineering (PHE) department-te chungah an lawm thu an tarlang. Tuizém thar hian Bungkawn Vengthar, Nursery leh Maubawk Veng ṭhen-khat a châwm dawn a ni.

Mara Students’ Organisation (MSO) chuan thuchhuah siamin, vawi tam tak sorkara an thlen ṭhin, Saiha College-a professor indaih lohna sorkarin ngai pawimawha assistant professor pali a dah thar chu lawmawm an tih thu an tarlang. MSO chuan, "Zirna lama kan hnufualzia leh harsatna hriaa hma min laksaktu Chief Minister, Higher & Technical Education Minister leh Bialtu MLA chungah kan lawm tak zet a ni," an ti.

February 22, Inrinni khan Bawngkawn Brigade Field hnuaiah ­ruang (ruhro) chhar a ni a, a personal identity card aṭang­in P ­Lalrotluanga s/o P Lalrin­liana, Falkland Veng, Aizawl a ni tih hriat a ni.