Sorkar P/S pariat titawp tawh

December 2018 aṭanga tun thlengin Mizoramah state sorkar enkawl primary school pariat tihtawp a ni tawh a, sikul 12 chhùn fin a ni tawh bawk tih, Assembly budget session neih mekah tarlan a ni.

School Education minister Lal­chhandama Ralte-in INC member Lalrindika Ralte zawhna ziaka a chhan danin, Mizoram sorkar sikul tihtàwpte chu Serchhip IOC Veng Primary School, Darlawn Middle School, Thingdawl Primary School-III, Kolasib Primary School-VIII, Serchhip Darnam Primary School, Khawruhlian Primary School-III, Hliappui Primary School-II leh Hnahthial Primary School-VIII te a ni.

Hliappui P/S-II leh Hnahthial P/S-VIII te chu tihtàwp tawp a ni a; primary school tihtàwp pariat zinga paruk chu sikul dang nen chhùn fin a ni thung.