State Animal Welfare Board an ṭhu

Animal Husbandry & Veterinary (AH&Vety) minister Dr K Beichhua hoin January 29 khan Secretariat conference hall-ah Mizoram State Animal Welfare Board (SAWB) Governing Body Meeting hmasa ber neih a ni.

Meeting-ah hian Mizoram State Animal Welfare Board inrêlbàwlna kenkawh dan tur sawiho a ni a; AH&Vety Directorate-ah Animal Welfare Division siam ni se, district tinah DC kaihhruai District Society for Prevention of Cruelty to Animals (DSPCA) pawh hna thawk thei tura din thar leh vek ni se, an ti.

Board tana inrêlbawlna leh hmalakna tur sum mamawhte ruahmanna siamin state sorkarah dil ni se, an ti a; sumdawn nana ui inthlahtir (breeding) chungchanga dan lek kawh thuai te, Dog Breeding and Marketing Rules 2017 leh Pet Shop Rules 2018-a ziah luhte chauhin ui note an zuar thei tawh ang.