SDG leh Economic Census thlir lêt

February 22, Inrinni khan State Guest House-ah 'Review meeting on Sustainable Development Goals (SDG) & 7th Economic Census' neih a ni a; Ministry of Statistics & Programme Implementation-a director general (Social Statistics Division) Asit Sadhu-in a hmanpui.

Asit Sadhu chuan, SDG leh 7th Economic Census kal mekah Mizoram chu hna thawk ṭha berte zinga mi a nih thu a sawi rualin, "Hmasawn a ṭulnaah erawh chuan theihtawp chhuah leh zual a ṭul," a ti a; Planning & Prog­ramme Implementation department (Research & Development Branch), Economics & Statistics leh Common Service Centre-te thunun theih piah lam harsatna thilah theihtawp chhuahpui a inhuam thu a sawi.

He hun hi Planning secretary Dr C Vanlalramsanga'n a kaihruai a, Planning (Research & Development Branch) research officer C Lalnunsiami'n SDG chungchang a sawifiah. Common Service Centre state project manager Lalduhkima'n 7th Economic Census a sawifiah bawk.

Review meeting-ah hian Economics & Statistics director B Lalrin­tluanga, Planning department adviser-cum-joint secretary Dr Lalrinchhana, 7th Economic Census nodal officer B Lalrinhlua te bakah, CSC, Econo­mics & Statistics leh SDG Core department-a official-te an tel a ni.