Heroin kawltu kum 10 táng dawn

Champhai Special Court (NDPS Act) judge Vanlalena chuan heroin neitu Salemthara chu thiam loh chantirin, kum 10 chhung táng tur leh Rs. 1,00,000 chawi turin a hrem.

Thuneitute hnen aṭanga thu dawn danin, Salemthara (18) s/o Thangdeihgina, Champhai Vengthar chu Champhaia Excise & Narcotics department hnathawkte'n June 2018 khan Tlangsamah heroin gram 307 (hawng 22) nen an man a, Narcotic Drugs & Psychotropic Substances Act, 1985 hmangin thubuai an siamsak a ni.

Salemthara thubuaiah hian Champhai Special Court (NDPS Act) chuan nimin khan thutlukna siamin, kum 10 táng tur leh Rs. 1,00,000 chawi turin a ti a, pawisa hi a chawi loh chuan thla hnih dang tàn belh turin a ti bawk.