Seoul Tourism Ambassador atan BTS ruat leh

K-pop boyband Bangtan Boys (BTS)-te chu a vawithum nan 'Honorary Tourism Ambassador of Seoul' atan ruat an ni leh ta.

Seoul Tourism Organization director Lee Jae-Sung chuan BTS-te nen ṭang­kawpin, khawvel huapa Seoul tourism promotion video an buatsaih chu Instagram, Facebook leh YouTube-ah vawiin aṭangin a en theih tur thu a sawi.

Kumina South Korea khawpui Seoul promotional video an tihchhuah 'slogan' hla tur chu 'Live Seoul Like I Do' tih a ni a, chang pasarih a awm dawn a, BTS member pasarihte'n part pakhat ṭheuh an sa ang.

'Live Seoul Like I Do' hla changtinah hian Seoul an fakna a awm dawn a ni. BTS  hi khawvel huap pawha huhang nei lian an nih avang hian, SKorean khawpui 'Seoul Tourism Ambassador' atan an ruat pawh hi thil awm tak a ni.