Lirthei tlân dan tur ruahman

Traffic SP H Ram-thlengliana chuan, Hunthar Veng (Company Pêng) leh Rangvamual inkar kawng National Highway-54 thawm ṭhat hna thawh a nih avangin, hna thawh hun chhunga lirthei tlân dan tur a ruahman.

#    Kawng siamtute'n zing dar 7 aṭangin hna an thawk ṭan ang a, chhun dar 11-12 inkarah chawlh an neih hnuah tlai dar 4 thleng hna an thawk leh ang.

#    Kawngpui siam chhungin motor tê (LMV) Sairang, Lengpui, lama kal tur chu Vaivakawn aṭanga Lungverh Peng via Luangmual, Ramrikawn,  Sakawrtuichhun kawngah tlan tur.

#    Motor lian (HMV/MMV)-te chu Bawngkawn leh Rangvamual Ch.Saprawnga Truck Terminal inkarah park/dah phal a ni lo. Thupek bawhchhia chu MV Act Section 179 hmanga hrem an ni ang. Entry period hun nghak turte'n Ch.Saprawnga Truck Terminal-ah emaw, a thlang lam kawngpui zau laiah park/dah tur.

#    Kawngpui siam chu kawng chanve siam phawt tur a nih avangin lirthei intlan chhâwk a ngai dawn a, lirthei khalhtu zawng zawngte chu duty-te thu ngaichâng thiam tura ngen leh beisei an ni.