Kawng siam dan tur sawiho

Dampa bialtu MLA Lalrintluanga Sailo leh Mamit bialtu MLA H Lalzirliana te chuan, nimin khan an bial chhunga kawngpui siam hna thawktu Project Pushpak hotute an kâwm a, kumin fûr ruahtui tlak hmaa kawngpui siam hna thawh dan tur an sawipui.

MLA pahnihte chuan, an bial chhung kawngpui dinhmun te, kawngpui ṭha mipuiin an mamawhzia te, kawng siam hna a rang lama thawh a hun tawh thute leh Tut leh West Phaileng inkar kawngpui siam hna chu hna hmasaa dah a ṭul thute an sawi.

Project Pushpak chief engineer Brig. Birender Singh chuan, khawthlang lam bial chhunga kawngpui siam hna chu kumin fûr ruahtui tlak hmaa zawh hman an tum thu MLA-te an hrilh a ni.