Lok Adalat-ah vbc. 2 chuang hmu chhuak

Court-a kal kher ngai loa thubuai chinfel theihna, National Lok Adalat chu nimin khan district hrang hrangah buatsaih a ni a, leiba chi hrang hrang cheng vbc. 2 chuang hmuh a ni.

National Lok Adalat-ah hian Mizoram pumah thubuai 1,176 a lut a, chungte chu pawisa inṭhinna thubuai te, bank loan rul ṭha lo thubuai te, phone bill pe ṭha lo chungchang te, ram inchuh thubuaite leh chhungkaw thubuaite a ni. Thubuai eng emaw zat chin fel niin, cheng vaibelchhe 2 chuang hmuh chhuah a ni.

National Lok Adalat-ah hian Mizoram pumah thubuai ngaihtuahna bench 15 siam a ni a, Aizawlah chuan National Lok Adalat hi Treasury Square-a district court leh New Capital Complex-a Mizoram State Legal Services Authority office-ah neih a ni.