KHAWTHLIR

Lawngtlai AH & Vety department chuan kar hmasa chhung khan Lawngtlai khawpui chhung veng hrang hrang­ah a thlawnin ran hri danna (vaccine) an pe. National Animal Di­sease Control Programme (NADCP) hnuai­ah a thlawna hri danna hi pek a ni a, ran 2013 hnenah foot and mouth disease (FMD) hri danna pek a ni.

Health minister Dr R Lalthangliana chuan September 13, 2019 khan Kolkata-ah Tata Medical Centre leh Rabindranath Tagore International Institute Of Cardiac Sciences a tlawh. Dr R Lalthang­liana hian damdawi-in hotute kawmin, Mizo damlo natna khirh tuar te, khawsak rel harsa zawkte leh ṭawng thiam ṭha lote special treatment lo pe a, lo duat turin a ngen.

Agriculture minister C Lalrinsanga chuan Inrinni khan Khawzawl Sub. Divisional Agriculture pisa a tlawh a.He hunah hian Khawzawl DC H Lianzela, DAOGeorge Lalthanngura, SDAO Lalchharlianate'n an lo dawngsawng a, an hmunhma leh an hnathawh dante a enfiah.

Pang Zirlai Pawl (PZP) joint headquarters, Ai­zawl chuan Inrinni khan zirlai tharte lawmna hun leh zirlai hlawh­tlingte chawimawina hun an buatsaih a, an hun hmanpuitu Assembly speaker Lalrinliana Sailo chuan Pang hnamte chu Mizorama lo chuangkai hmasa, Mizoram neitute an nih thu sawiin, Mizoram leh hnam tan theihtawp chhuah tur leh an hnam chindante zahpui lo turin a chah.

Central YMA hnuaia Health & Sanitation Sub-Committee buatsaihin Inrinni khan CYMA hall-ah CEC, SRS member leh office staff-te tan free clinic buatsaih a ni. Free clinic-ah hian Health & Sanitation Sub. Committee chairman Dr. Ramenga leh Zoram Medical College-a doctor-te'n CEC, SRS leh office staff-te hriselna an endik sak a, a thlawnin damdawi an pe nghal a ni.