NEC project enkawlah Mizoramin a ti ṭha ber

North Easter Council (NEC)-in India hmarchhak state pariatte hnena hmasawnna hna thawhna chi hrang hrang pawisa a pek, state-ten hna an thawh zawh hnua Utilization Certificate (UC) an thehluh, June 30, 2019 thlenga NEC in a chhinchhiahah Mizoramin a ti ṭha ber.

Mizoram hian UC pariat tihfel loh a la nei a, a dawttu Tripura-in UC tihfel loh 16 a nei. UC tih fel loh nei tam ber Arunachal Pradesh chuan 69 a nei a ni. September thla chhung hian project pathum chu zawh leh hman an tum thu Planning & Programme Implementation department hotute chuan an sawi.

NEC-in June 30, 2019 thlenga UC thehluh dan a tarlan hnuah hian Mizoram chuan UC dang pawh a thawn thla leh tawh a, September thla chhung hian hmasawnna hnathawh (project) pathum chu zawh leh an tum a ni.

NEC project hi 1971 Act angin kum 1972 November ni 7 aṭangin an kalpui ṭan a, a tirah chuan Advisory Body-ah kalin, Ministry of Home Affairs hnuaiah a awm. Kum 2002 aṭang khan Regional Planning Body anga kalin, Ministry of DoNER hnuaiah a awm. Kum 2018 aṭang khan Ministry of Home Affairs changtu minister chu Chairman a ni tawh thung. 

NEC-in June ni 30, 2019 thlenga India hmarchhak state 8 te hnena hmasawnna hnathawhna a pek chhuah, state-te'n UC an thehluh dan leh pawisa la hman zawh loh chu hetiang hi a ni.