Tobacco Free Village - Thingdawl

Kolasib district-a Thingdawl khua chuan nimin khan vaihlo awm lohna khua, Tobacco Free Village atan an inpuang. Inpuan­na inkhawma khuallian minister of state K Lalrin­liana chuan, vaihlo do chu ram leh hnam chhanna ṭha tak a ni tih sawiin, "Vaihlo zûk leh hmuam laka fihlimte dinhmun a ṭha bik a, vaihlo laka fihlim turin chhungkua leh khawtlangah kan inzirtir nasat a ngai," a ti.

Thingdawl hi Mizo­rama Tobacco Free Vil­lage-a inpuang pathum­na a ni a, a hmain Thingsul Tlangnuam (kum 2013) leh Ruantlang (kum 2017)-te an lo inpuang tawh. Thingdawl-in nimina Tobacco Free Village-a an inpuannaah hian Indian Society on Health & Tobacco (Mizoram) president Lal Riliani pawhin thu a sawi.

Sorkar thuchhuah tarlan danin, Tobacco Free Village tih hian, khuaah mei zu, sahdah/khaini leh tuibûr hmuam an awm tawh miah lohna leh lei tur pawh awm tawh miah lohna khua a ni tihna a ni lo a; COTPA 2003 danin zawm tur a tihte zâwm ṭha khua/hmun tihna a ni.