ZPM hi thil ṭha duhtute ta a ni - ZPM Vice President

ZPM vice president K Sapdanga chuan, kum 2018-a Assembly inthlanah an tling zo lo chunga Sihphira ZPM an lian chho zel chu Pathian remruat tih loh rual a nih loh thu leh, ZPM chu thil ṭha duh zawng zawngte ta a nih thu a sawi.

January 30, 2021 zana Sihphir YMA conference hall-a ZPM Ṭhalai unit dinnaah thu sawiin K Sapdanga chuan, "An tiam tawh an tihhlawhtlin a awm mang loh laia tiam belh tura hmanhlel politician-te hian kan vote an rawn dil leh a nih pawhin, kan in kawngka hawnsak mah ila, kan thinlung kawngka hi chu i khâr hnan ve tawh ang u," a ti.