Covid-19 vaccine mi 9,932 pe tawh

Nimin khan Mizo­ramah Covid-19 vaccine, Covishield pek chhun­zawm a ni a, mi 586 hnenah pek a ni. January 16, 2021-a pek ṭan aṭanga nimin tlai thlenga vaccine pek tawh zat chu mi 9,932 a ni tawh. 

Covid-19 vaccine chungchanga sorkar thupuangtu Dr Lalzawmi hnen aṭanga thu dawn danin, nimin khan Aizawl East district leh Lunglei district-ah chiah vaccine hi pek a ni a; Aizawl East district-ah mi 523 leh Lunglei district-ah mi 63 pek niin, an vaiin mi 586 an ni. 

Nimin bikah chuan district dang zawngah pek a ni lo. January 30, Inrinni khan mi 845 pek an ni bawk.