Hnu chhui dan zirna buatsaih

Bureau of Police Research & Development leh Mizoram Forensic Science Laboratory (FSL) chuan India hmar­chhaka police officer-te tan Aizawlah 'Advance Technology in Forensic Science & Scene of Crime Investigation' an buat­saih a, FSL director H Sang­chungnunga'n a hawng.

H Sangchungnunga chuan, Mizoram FSL chu India rama laboratory naupang ber zinga mi a nih thu sawiin, "Theihtawp kan chhuah a, hma kan sâwn hle. Ministry of Home Affairs (MHA) pawhin kan hnathawh an hre tawh. Case pending kan nei ngai lo a, hmun dangah chuan an ngah lutuk. Crime scene-ah a rang thei ang berin kan kal ṭhin," a ti. 

FSL Director sawi danin, MHA-in India rama laboratory 10 chu Nirbhaya Scheme kalpui turin a thlang chhuak a, chu'ng zingah chuan Mizoram FSL pawh a tel. Mahse, hripui vangin tihhlawhtlin tluantlin theih a ni rih lo.

Training hian chawlh­kar hnih a awh dawn a, Mizoram páwn aṭanga tel mi pathum tiamin police officer 25 leh Mizoram FSL-a internship ti mek Mizoram mi pahnih leh state dang mi pahnih an tel. 

Mizoram FSL-ah hian tun dinhmunah forensic expert mi 15 awmin, division hrang pasarih an nei a ni.