Kuhva rah leh heroin man

Assam Rifles-te chuan January 31, Pathianni khan Champhai Tlangsamah kuhva rah ip 80 an man a; Bethlehem Vengah heroin gram 189 an man bawk.

Serchhipa inkulh Assam Rifles-te leh Champhaia Custom official-te ṭangkawp chuan Champhai Tlangsam huam chhungah kuhva rah ip 80 leh a neitua puh mipa pakhat an man a; kuhva rahte chu tualchhunga hralhna ang chuan Rs. 13,44,000 hû a ni.

Aizawla hmunpui nei 46 Assam Rifles, Excise & Narcotics enforcement leh Bethlehem Veng Branch YMA-te pawhin Bethlehem Vengah heroin grade-IV gram 189 leh a neitua puh mi pathum an man bawk a; heroin-te chu tualchhunga hralhna ang chuan Rs. 75,60,000 hû a nih thu an tarlang.