Awmze nei zawkin kan kal dawn - PC President

Peoples' Conference (PC) president Lalhmangaiha Sailo chuan, Covid-19 hripui léng a ziaawm hunah an party chu kalphung pangngai leh awmze nei zawkin an kal dawn tih a sawi.

Nimin khan PC office bearer-te an pisaa an ṭhukhawm a, kumina an party hmalak dan tur an thlir. Lalhmangaiha Sailo chuan, MPC leh PRISM infin kâawmin PC party an din thar chauh tih sawiin, "Covid-19 léngin kumpui lingleta min delh zui avangin party inrêlbàwlna duh angin kan la insiam zîktluak hman lo. Kuminah hripui léng pawh a ziaawm ang a, kalphung pangngai leh awmze nei zawkin ke kan pên chho dawn a ni," a ti.